«Տավուշի փոքր դպրոցներում ուսուցիչների աշխատավարձը հավաքարարի ռոճիկից քիչ է». Ոսկան Սարգսյան

Լրագրող Ոսկան Սարգսյանը գրում է. «Նվազագույնը սահմանված է 75 հազար դրամ, սակայն հանրախանութներում և դպրոցներում՝ խղճուկ աշխատավարձեր:

2023 թվականի հունվարի 1-ից ՀՀ-ում նվազագույն ամսական աշխատավարձի չափը բարձրացվել, 68,000 ՀՀ դրամից դարձել է 75,000 ՀՀ դրամ: Կառավարության այս որոշումը էական ազդեցություն չի ունեցել։ Տավուշի մարզում մեծ խանութներում աշխատողներ կան, ովքեր օրական աշխատում են 10-12 ժամ, նույնիսկ շաբաթ օրերը, սակայն վարձատրվում են 50-60 հազար դրամի չափով։ Նրանց մի մասը որպես աշխատողներ ձևակերպված չեն, նրանց համար գործատուն պետական բյուջե սոցիալական վճար չի մուծում։ Տավուշի մարզի փոքր դպրոցներում ուսուցիչներ են աշխատում, ովքեր դրույքից պակաս դասաժամ ունենալով՝ ստանում են մոտ 60 հազար դրամ աշխատավարձ, ինչն ավելի քիչ է, քան նույն դպրոցի հավաքարարի ռոճիկը»: