«Ավգյան ախոռները մինչև հիմա մաքրում ենք». ՔՊ-ական պատգամավոր

ԱԺ «Հայաստան» խմբակցության նախաձեռնությամբ շարունակվում են խորհրդարանական լսումները՝ Ադրբեջանի կողմից Լաչինի միջանցքը փակելու վերաբերյալ: ՔՊ-ական պատգամավոր Գուրգեն Արսենյանը դիմեց ընդդիմադիրներին. «Ձախողված քաղաքականության ներկայացուցիչները հնարավորություն չե՛ն ունենալու վերադարձնել մեր երկիրը այն ռելսերին, որից նոր դուրս ենք եկել, «ավգյան ախոռների» մասին եմ խոսում. մինչև հիմա մաքրում ենք, հլը չենք կարողանում հասկանալ, թե էլ ինչքա՞ն բան պտի անենք, առավոտից իրիկուն զբաղված ենք դրանով: Այն, ինչ դուք անում եք, չի՛ բխում մեր երկրի շահերից, դուք բերելու եք նոր պատերազմ, դուք դառնալու եք պատերազմի նոր հրձիգներ, դա ես հայտարարում եմ այստեղից՝ պաշտոնապես»,- նշել է Արսենյանը: