«Խոսք չի կարող լինել այն մասին, որ Ռուսաստանը կլքի հարավկովկասյան տարածաշրջանը»․ Կոպիրկին

Հայաստանի Հանրապետություն Ռուսաստանի Դաշնության արտակարգ և լիազոր դեսպան Սերգեյ Կոպիրկինը «Սպուտնիկ Արմենիա»-ին տված հարցազրույցում հայտարարել է՝ Հարավային Կովկասից և Հայաստանից հեռանալը Ռուսաստանի ծրագրերի մեջ չի մտնում։

«Խոսք չի կարող լինել այն մասին, որ Ռուսաստանը կլքի հարավկովկասյան տարածաշրջանը։ Հարավային Կովկասը կենսականորեն կարևոր տարածաշրջան է, և Ռուսաստանը դե ֆակտո դրա մասն է», - նշել է նա։

Դեսպանը նաև հիշեցրեց, որ Ռուսաստանի Դաշնությունը Հայաստանի նկատմամբ ունի դաշնակցային պարտավորություններ, որոնցից նույնպես չի պատրաստվում հրաժարվել։ Ուստի ՌԴ–ի՝ տարածաշրջանից դուրս գալու մտացածին պլանների մասին ցանկացած խոսակցություն շահարկում է․

«Ռուսական ներկայության դերը զգալու համար պետք է շփվել Հայաստանի սահմանամերձ շրջանների, Լեռնային Ղարաբաղի բնակիչների հետ, քաղաքական շահարկումներ կան, բայց կա նաև իրական կյանք»։