«Պուտինի հետ փոխզիջում հնարավոր չէ». Զելենսկին հարցազրույց է տվել BBC-ին

Ուկրաինայի նախագահ Վլադիմիր Զելենսկին բացառել է՝ երկրի տարածքի որևէ մաս զիջելով հասնել Ռուսաստանի հետ խաղաղության: BBC-ին տված հարցազրույցում Զելենսկին հայտարարել է՝ Ռուսաստանին տարածք զիջել կնշանակի, որ ՌԴ-ն հնարավոր է՝ «շարունակի վերադառնալ», մինչդեռ Արևմտյան զենքը կարող է մոտեցնել խաղաղությունը: Զելենսկին նշել է, որ կանխատեսված գարնանային հարձակումն արդեն սկսվել է:
«Ռուսական հարձակումներն արդեն իրականացվում են մի քանի ուղղություններով»,- ասել է նա:
Ուկրաինայի նախագահը հավատում է, որ ուկրաինական զինված ուժերը կարող են դիմանակայել ՌԴ առաջխաղացմանը, մինչև հակահարձակման անցնելը, ապա կրկնել է Արևմուտքից ավելի շատ օգնություն ստանալու իր կոչը:
Ներկայում Ուկրաինայի դաշնակիցները քննարկում են Ուկրաինայի ԶՈՒ-ին ռազմական ինքնաթիռներ մատակարարելու հնարավորությունը: Մեծ Բրիտանիայի վարչապետն ասում է, որ այդպիսի մատակարարումներ հնարավոր են, սակայն դեռ քննարկման փուլում են:
Զելենսկին անդրադարձել է նաև Բելառուսի նախագահ Ալեքսանդր Լուկաշենկոյի՝ հինգշաբթի հնչեցրած սպառնալիքին առ այն, որ պատրաստ է ՌԴ կողմից Ուկրաինայի դեմ պատերազմի մեջ մտնել, եթե նույնիսկ մեկ ուկրաինացի զինվոր հատի սահմանը:
«Հույս ունեմ, որ Բելառուսը չի միանա պատերազմին: Եթե դա տեղի ունենա, մենք կպայքարենք և կգոյատևենք»,- ասել է Զելենսկին՝ հավելելով, որ Բելառուսի համար մեծ սխալ կլինի դառնալ Ուկրաինայի դեմ ռուսական բանակի հարձակման պլացդարմ։ Զելենսկին նշել է, որ «Ուկրաինան այսօր գոյության համար է պայքարում», երկիրը տնտեսապես և արժեհամակարգերով դեպի Եվրոպա է շարժվում: Նա հավելել է՝ «մենք ենք ընտրել այս ուղին: Մենք անվտանգության երաշխիքներ ենք ուզում: Ցանկացած տարածքային փոխզիջում մեզ ավելի թույլ կդարձնի: Խոսքն, ըստ էության, փոխզիջման մասին չէ: Ինչո՞ւ պետք է վախենանք փոխզիջումից: Մենք մեր կյանքի ընթացքում ամեն օր միլիոնավոր փոխզիջումների ենք գնում: Հարցը հետևյալն է՝ փոխզիջում ո՞ւմ հետ, Պուտինի՞: Ո՛չ: Քանի որ չկա վստահություն»:

«Սա քաղաքական ուղերձ է, որը նոր աշխարհակարգի հաստատման ընթացքում կխաղա իր դերը»․ Արա Պողոսյան
1809:48
Հավաքները շարունակվում են. ընդդիմությունն օրակարգ ունի․ «Հրապարակ»
4809:24
Փաշինյանի կինը՝ ընդդեմ Փաշինյանի թիմի՞. «Ժողովուրդ»
5209:18
Իսրայելի խորհրդարանը խոսնակ է ընտրել ընդդիմության թեկնածուին
8909:13
«Հարկադրանքի նախկին գործիքներն իրենց սպառել են». Պուտին
10809:07
«Ուզում են Թևանյանին հոգեբանական կտտանքների ենթարկելով՝ ապահովել նախակաթվածային վիճակ»․ Արեգ Սավգուլյան
11702:06
«Իշխանության նկատմամբ քաղաքացու դիրքորոշումը չպետք է կախված լինի ընդդիմության հեղինակությունից»․ Վլադիմիր Մարտիրոսյան
13101:30
«Պուտինի այցը Չինաստան ունի և՛ տնտեսական, և՛ ռազմավարական նշանակություն»․ Վահան Բաբայան (տեսանյութ)
12101:06