Երեքշաբթի, 16 հուլիսի, 2024 թ.
|
Ստեփանակերտում`   +19 °C

Ռուսաստանը սկսել է դիզվառելիքի մատակարարումները Սաուդյան Արաբիա

Ռուսաստանը սկսել է դիզվառելիքի մատակարարումները Սաուդյան Արաբիա
561
Երեքշաբթի, 07 մարտի, 2023 թ., 19:24

«Կոմերսանտ» թերթը, վկայակոչելով ամերիկա-բրիտանական Refinitiv ընկերության տվյալները, հայտնում է, որ Մոսկվան փետրվարին Սաուդյան Արաբիայի նավահանգիստներ է առաքել առնվազն 190 հազար տոննա դիզվառելիք։
Ընկերության տվյալները ցույց են տալիս, որ Srini լցանավը Պրիմորսկի նավահանգստում բեռնել է 66 հազար տոննա դիզել, և ներկայում բեռնաթափվում է Ջիդայի տերմինալում։ Եվս երկու լցանավ՝ Apanemo-ն և Zarya-ն, շարժվում են դեպի Ռաս Տանուրա նավահանգիստ։
Նշվում է, որ Էր Ռիադը դիզվառելիքի հիմնական մատակարարն է դեպի այլ պետություններ։ Reuters-ի հետ զրույցում առևտրականները նշել են, որ ռուսական դիզելային վառելիքը վերամշակումից հետո, հնարավոր է, վերաարտահանվի այլ երկրներ: