«Նիկոլի թշվառությունն ու անհեթեթությունը». Էդուարդ Շարմազանով

ՀՀԿ Գործադիր մարմնի անդամ Էդուարդ Շարմազանովի ֆեյսբուքյան գրառումը. «Նիկոլի թշվառությունն ու անհեթեթությունը։
Նիկոլը հայտարարում է, որ Ադրբեջանը պատրաստվում է մեծ էսկալացիայի ու ցանկանում է ցեղասպանություն իրականացնել։
Ի՞նչ պետք է անի նորմալ ղեկավարն այդ ժամանակ։
Պետք է զենք գնի ու հայթայթի, դաշնակիցների հետ ամրացնի հարաբերությունները։
Իսկ ի՞նչ է անում Նիկոլը։
Հայտարարում է, որ զենք չի կարողանում գնել ու հայթայթել, հրաժարվում է դաշնակցի ռազմատեխնիկական օժանդակությունից ու թույլ չի տալիս Հայաստանի տարածքում ՀԱՊԿ զորավարժություններ։
Այս ամենն ո՞ւմ է ձեռնտու։
Հայաստանի՞ն։ Ոչ։
Արցախի՞ն։ Ոչ։
Ադրբեջանի՞ն, Թուրքիայի՞ն։ Այո։
Հիմա սա դավաճանությո՞ւն է, անմեղսունակությո՞ւն է, թե՞ խելապակասություն, դուք որոշեք»: