Հայտնի՝ ով կկատարի քաղաքապետի պարտականությունները

Երևանի քաղաքապետի պարտականությունները կստանձնի քաղաքապետի առաջին տեղակալ Լևոն Հովհաննիսյանը. այս մասին լրագրողների հետ զրույցում ասել է Երևանի ավագանու «Լույս» խմբակցության ղեկավար Դավիթ Խաժակյանը:

Ըստ գործող օրենքի՝ քաղաքապետի հրաժարականի դեպքում նրա պարտականությունները՝ մինչև հաջորդ քաղաքապետին՝ Երևանի ավագանու կողմից ընտրելը կատարում է առաջին տեղակալը։

Նոր քաղաքապետը պետք է ստանա ավագանու անդամների ընդհանուր թվի ձայների մեծամասնությունը՝ ըստ օրենքի և պարտադիր պետք է լինի ավագանու անդամ։

Նորընտիր քաղաքապետն իր լիազորությունները ստանձնում է մեկշաբաթյա ժամկետում:

Հիշեցնենք, որ այսօր Երևանի քաղաքապետ Հրաչյա Սարգսյանը հրաժարականի դիմում է ներկայացրել: