Ութ երկիր հայտարարել է նավթի արդյունահանման կրճատման մասին

Ալժիրը, Իրաքը, Ղազախստանը, Քուվեյթը, Արաբական Միացյալ Էմիրությունները (ԱՄԷ), Օմանը, Ռուսաստանը և Սաուդյան Արաբիան հայտարարել են նավթի արդյունահանման կամավոր կրճատման մասին: Խոսքը մայիսից մինչև 2023 թվականի վերջն ընկած ժամանակահատվածի մասին է, հայտնում է Reuters-ը՝ հղում անելով այդ երկրների էներգետիկայի և նավթի նախարարություններին։

Ալժիրը կնվազեցնի նավթի արդյունահանումը օրական 48 հազար բարելով, Իրաքը՝ 211 հազ.,Ղազախստանը՝ 78 հազար, Քուվեյթը՝ 128 հազար, Օմանը՝ 40 հազար, ԱՄԷ —ը՝ 144 հազար, ՌԴ -ն՝ 500 հազար և Սաուդյան Արաբիան՝ օրական 500 հազար բարելով: