«Քրեական վարույթ նախաձեռնելու բոլոր հիմքերն առկա են». Ռուբեն Մելիքյան

«Տեր-Պետրոսյանը շատ ուղիղ արձանագրել էր փաստը, դրան արձագանքել էր Ալեն Սիմոնյանն ու չէր հերքել այն: Իմ կարծիքով, երկաթե փաստարկը, որ Ալեն Սիմոնյանն ընդունել է դա, նրա արձագանքն է հենց Առաջին նախագահին»,- անդրադառնալով օրեր առաջ Կասկադում ԱԺ նախագահի հետ կապված միջադեպին (Ալեն Սիմոնյանն իրեն դավաճան անվանելու համար թքել էր քաղաքացու աչքին)՝ «Օրագիր» հաղորդման եթերում ասել է իրավապաշտպան Ռուբեն Մելիքյանը: Նրա խոսքով՝ դեպքի հետ կապված քրեական վարույթ նախաձեռնելու բոլոր հիմքերն առկա են:

Հիշեցնենք՝ միջադեպին արձագանքել էր ՀՀ առաջին նախագահը՝ հայտարարելով, որ ՔՊ-ը պարտավոր է նախաձեռնել Ալեն Սիմոնյանի պաշտոնանկության հարցը: ԱԺ նախագահը պատասխանել էր Տեր-Պետրոսյանին: