«Գորշ գայլերը» հրաժարվում են Էրդողանի հետ դաշինքից

Թուրքիայի իշխող «Արդարություն և զարգացում» կուսակցության և դաշնակից ազգայնական կուսակցության՝ MHP-ի միջև «ընդհանուր ցուցակի» շուրջ բանակցությունները դեռևս արդյունք չեն տվել:
Համաիշխող ազգայնական MHP կուսակցությունը հրաժարվում է իշխող կուսակցության գաղափարից՝ հանդես գալ միասնական ցուցակով։ Ինսայդերներն ասում են, որ բանակցությունները շարունակվում են, և Ռեջեփ Թայիփ Էրդողանը կարող է նույնիսկ անձամբ հանդիպել ազգայնական առաջնորդ Դևլեթ Բահչելիի հետ՝ փորձելով նրան գրավել իր կողմը:

Իշխանամետ լրագրող և Hürriyet թերթի սյունակագիր Հանդե Ֆիրաթը փոխանցել է MHP-ի պատգամավորի խոսքերը, ով ասել է, որ ազգայնական կուսակցության ընտրողը, որքան էլ ղեկավարությունը ցանկանա, չի ընտրի ԱԶԿ-ին։

Մյուս համիշխող BBP կուսակցության առաջնորդ Մուստաֆա Դեստիջին արդեն անուղղակիորեն մեղադրել է MHP-ին. «Եթե մեր դաշինքը մտներ միասնական ցուցակով, մենք կարող էինք ստանալ խորհրդարանի 55-60%-ը՝ ձայների 48%-ով։ Բայց MHP-ն նախընտրեց գնալ սեփական ցուցակով»: