Համացանցում տարածվել են Սիսիանում հայտնված ադրբեջանցու կադրերը

Թելեգրամյան ալիքներում տեսանյութ է տարածվել՝ Սիսիանի համայնքներից մեկում հայտնված ադրբեջանցու վերաբերյալ:

Ինչպես ավելի վաղ հայտնել էինք, երեկ ուշ գիշեր Սիսիանի համայնքներից մեկում ադրբեջանցի է հայտնվել, որը բնակիչներից մեկի տուն է մտել, խոսել հայերեն։ Բնակիչը կասկածել է, և ադրբեջանցին փախուստի է դիմել։ Եղել է զինվորականի հագուստով։ Մեկ այլ համայնքում նրան բռնել են, և ադրբեջանցին հիմա իրավապահների մոտ է։ Ըստ շրջանառվող լուրերի՝ նա պարզաբանել է, թե տարածքը շփոթել է ու հայտնվել հայկական կողմում։ Միաժամանակ ադրբեջանական աղբյուրները հաղորդում են, որ Նախիջևանի տարածքից երկու զինծառայողներ են մոլորվել: