Փենթագոնը ստուգում է հրապարակված գաղտնի փաստաթղթերի իսկությունը

ԱՄՆ պաշտպանության նախարարությունը դեռ ստուգում է համացանցում հրապարակված գաղտնի ռազմական փաստաթղթերի իսկությունը և փորձում է գնահատել, թե լայնածավալ արտահոսքը ինչ ազդեցություն կարող է ունենալ ազգային անվտանգության, ինչպես նաև դաշնակիցների ու գործընկերների վրա, այս մասին ասել է Փենթագոնի մամուլի քարտուղարի տեղակալը։ Նրա խոսքով՝ ԱՄՆ արդարադատության նախարարությունը հետաքննում է ենթադրյալ արտահոսքը։

Նախկինում Փենթագոնի անանուն ներկայացուցիչներն ասել էին, որ համացանցում հայտնված փաստաթղթերը, որոնք վերաբերում են Ուկրաինայի պատերազմին, կարող են իրական լինել, հայտնում է BBC-ն:

CNN-ն էլ նշում է, որ Ուկրաինան վերանայել է ռազմական պլանները՝ Փենթագոնի գաղտնի փաստաթղթերի արտահոսքի պատճառով: