«Դպրոցը նոր ավարտած աղջիկները ևս կարող են դառնալ պարեկ»․ Փաշինյան

«ԱԺ-ում է Կառավարության 2022 թվականի զեկույցը, որում արձանագրել ենք, որ խնդիր ունենք Պարեկային ոստիկանությունում կանանց ներգրավվածության աստիճանը հասցնել անձնակազմի 30%-ի: Դրա համար առաջիկայում թափուր մնացած տեղերը մենք կլրացնենք միայն կին պարեկներով: Ներքին գործերի նախարարը մի առաջարկություն է արել, որը դեռ քննարկելի է, բայց՝ հետաքրքիր: Մեր դպրոցների շրջանավարտ աղջիկները կարող են դիմել Պարեկային ոստիկանությանը, 9 ամիս ուսումնառություն անցնել և իրենց կարիերան սկսել որպես ոստիկան: Երկարաժամկետում մենք Ոստիկանության համալրման խողովակ ունենալու ենք Պարեկային ոստիկանությունը»,- ԱԺ-ում ասաց Նիկոլ Փաշինյանը՝ հայտարարելով, թե Պարեկային ոստիկանությունն իրենց ամենահաջող բարեփոխումներից մեկն է: