«Մենք ապրում ենք մի իրականությունում, որտեղ եկեղեցուն արգելված է ասել ճիշտը». Ա. Դանիելյան

«Ադեկվադ» միաբանության հիմնադիր Արթուր Դանիելյանը ֆեյսբուքյան իր էջում գրել է. «Մի սարսափելի կանխատեսում էլ անեմ: Թերևս ամենասարսափելին վերջին շրջանում, եթե ոչ երբևէ:
Ցավոք մեր եկեղեցում չի գտնվելու մի մարդ ով կկարողանա Փաշինյանի այսօրվա ասածին հակադարձի: Իր ասածը առ այն, որ ցանկացած իշխանություն Աստծուց է միանգամայն ճիշտ է, ճիշտ չլիներ Ավետարանում տեղ չէր գտնի: Այնուամենայնիվ, այդ ճիշտը Հայաստանի պարագայում որպես օրինակ բերելը տեղին չէ, ու տեղին չէ պարզ պատճառներով, բայց սրա մասին մեր եկեղեցին չի խոսի... ու սարսափելի է սա, քանի որ վկայում է այս պետության գլխավոր հենասյան սննկացման մասին:
Մենք ապրում ենք մի իրականությունում, որտեղ դաշնակցական պատգամավորին արգելված է ասել, որ Նիկոլը դավաճան է, իսկ եկեղեցուն արգելված է ասել ճիշտը... այսինքն արգելված է ասել էն միակ բանը, որի համար եկեղեցին պիտի գոյություն ունենա առհասարակ»: