«Էս իշխանությունները գործում են տրամաբանությունից դուրս». Արթուր Վանեցյան

«Ի՞նչ պետք է անենք, որպեսզի այլևս երբեք չլինեն ցեղասպանություններ: Նախ, առաջին հերթին, պետք է հասնենք նրան, որ միջազգային հանրությունը ճանաչի և դատապարտի ցեղասպանությունը: Երկրորդը՝ պետք է հզորացնենք մեր հայրենիքը, պետք է ուժեղանանք, ստեղծենք անվտանգ երկիր»,- Ծիծեռնակաբերդի հուշահամալիրում լրագրողների հետ զրուցում ասաց ԱԱԾ նախկին տնօրեն, «Հայրենիք» կուսակցության նախագահ Արթուր Վանեցյանը:

«Էս իշխանությունները գործում են տրամաբանությունից դուրս: Ցավոք սրտի, նրանք սպասարկում են բոլորի շահը, բացի հայ ժողովրդի, Հայաստանի և Արցախի շահից: 21-րդ դարում ունենալ թշնամիներ, փակ սահմաններ, պատերազմ, իհարկե, նորմալ չէ, և մենք պետք է հասկանանք՝ Թուրքիան և Ադրբեջանն արդյոք ուզո՞ւմ են և կարո՞ղ են խաղաղ ապրել մեզ հետ: Մենք բազմիցս տեսել ենք, որ ադրբեջանցիք սպանում են մարդկանց այն բանի համար, որ նրանք հայ են»,- ասաց Վանեցյանը՝ ընդծգելով, որ այդ մարդկանց հետ չենք կարող ունենալ որևէ հարաբերություն, քանի դեռ Հայաստանը չունի ազգային մտածելակերպ ունեցող իշխանություն: