«Որտե՞ղ է մեր դեսպանը. իհարկե, նրան հրահանգված է այստեղ չգալ». Արա Աբրահամյան

Ռուսաստանում ՀՀ դեսպան Վաղարշակ Հարությունյանը ներկա չէր Մոսկվայի «Պրեզիդենտ» հյուրանոցում «Ռուսաստանի հայերի միության» կազմակերպած համաժողովին, որը կրում էր «Հայոց Եղեռնը՝ հիշողություն և նախազգուշացում» խորագիրը։ Այս մասին գրում է «Առավոտ»-ը:

Ներկա չէր ոչ միայն դեսպանը, այլ նաև դեսպանատան աշխատակազմից որևէ մեկը։

Ասել է թե՝ «Ռուսաստանի հայերի միությունը», ներկա պահին, որպես ռուսահայ համայնքը ներկայացնող ամենամասշտաբային կառույց, երկխոսության սուբյեկտ չի հանդիսանում ՀՀ կառավարության համար։ Այն հարցին, թե արդյո՞ք հրավեր ուղարկվել է ՀՀ դեսպանին, ՌՀՄ փոխնախագահ Լուսիկ Ղուկասյանը պատասխանեց, որ, այո, ուղարկվել է։

Ռուսաստանի հայերի միության նախագահ Արա Աբրահամյանը, համաժողովի բացման իր խոսքում դիմելով ներկաներին՝ հարց հնչեցրեց, թե որտե՞ղ է մեր դեսպանը և պատասխանեց ինքն իր հարցին՝ իհարկե, նրան հրահանգված է այստեղ չգալ։

Առավել մանրամասն՝ սկզբնաղբյուրում: