Պետքարտուղարությունը՝ Թուրքիայի տարածքով հայկական ավիաընկերությունների թռիչքներն արգելելու մասին

281

Չորեքշաբթի, 03 մայիսի, 2023 թ., 20:24

ԱՄՆ պետքարտուղարությունը հայտնել է իր դիրքորոշումը՝ կապված հայկական ավիաընկերությունների թռիչքները Թուրքիայի օդային տարածքով կասեցնելու որոշման կապակցությամբ:

«Միացյալ Նահանգները վճռականորեն աջակցում է Հայաստան-Թուրքիա հարաբերությունների կարգավորմանը, ինչը լավ կլիներ ողջ տարածաշրջանի համար։ Մենք հիասթափությամբ ի գիտություն ընդունեցինք Թուրքիայի հայտարարությունն՝ իր տարածքով հայկական ավիաընկերությունների թռիչքների թույլտվությունը կասեցնելու մասին։ Ավելի վաղ երկրների միջև ձեռք բերված համաձայնություններն ավիահաղորդակցության վերականգնման վերաբերյալ դարձել են վստահության ամրապնդման կարևոր միջոցներ։ Մենք անկեղծորեն հույս ունենք, որ Թուրքիան և Հայաստանը կկարողանան շարունակել վերականգնել տնտեսական կապերը և բացել տրանսպորտային հաղորդակցությունը»,- 1lurer.am-ի հարցմանն ի պատասխան՝ նշել է ԱՄՆ պետքարտուղարությունը։