Երկուշաբթի, 20 ապրիլի, 2026 թ.
|
Ստեփանակերտում`   +8 °C

Ալիևն սպասում է, որ Հայաստանն ասի՝ «Ղարաբաղն Ադրբեջան է»

Ալիևն սպասում է, որ Հայաստանն ասի՝ «Ղարաբաղն Ադրբեջան է»
324
Հինգշաբթի, 04 մայիսի, 2023 թ., 00:24

Հայաստանը պետք է հաստատի, որ Ադրբեջանի նկատմամբ տարածքային պահանջներ չունի: Դրա համար պետք է հայտարարի, որ Ղարաբաղն «Ադրբեջանի մաս է», ասել է Ադրբեջանի նախագահ Իլհամ Ալիևը։

Նա նշել է, որ Հայաստանը ստորագրել է Պրահայի հռչակագիրը՝ 2022-ի հոկտեմբերին, նույն ամսին՝ նաև Սոչիի հռչակագիրը, «որով իր համաձայնությունն է հայտնել որպես հարաբերությունների կարգավորման հիմք ընդունել 1991 թվականի Ալմա-Աթայի հռչակագիրը»։

«Ալմա-Աթայի հռչակագրում ԽՍՀՄ նախկին հանրապետությունների սահմանները փաստացիորեն գծագրված ու ընդունված են՝ որպես վարչական պաշտոնական սահմաններ։ Դա նշանակում է, որ նրանք արդեն համաձայնել են, որ Ղարաբաղը «Ադրբեջան է»։ Ես էլ վերջերս ասացի, որ նրանց ընդամենը մնացել է վերջին խոսքն ասել։ Նրանք ասել են՝ «Ա», հիմա էլ պետք է ասեն՝ «Բ», նրանք պետք է ասեն այն, ինչը ես ասացի, նույնությամբ՝ «Ղարաբաղն Ադրբեջան է»։ Ես սպասում եմ դրան։ Հույս ունեմ, որ դրա ժամանակն էլ կգա»,- ասել է Ալիևը։