Հինգշաբթի, 28 մարտի, 2024 թ.
|
Ստեփանակերտում`   +13 °C

«Կոչ ենք անում ՀՀ-ին ու Ադրբեջանին՝ համաձայնության գալ սահմանից ուժերի հեռացման շուրջ». ԱՄՆ պետքարտուղարության ներկայացուցիչ

«Կոչ ենք անում ՀՀ-ին ու Ադրբեջանին՝ համաձայնության գալ սահմանից ուժերի հեռացման շուրջ». ԱՄՆ պետքարտուղարության ներկայացուցիչ
458
Ուրբաթ, 12 մայիսի, 2023 թ., 10:00

ԱՄՆ պետքարտուղարության փոխխոսնակ Վեդանտ Փաթելը, պատասխանելով լրագրողների հարցերին՝ կապված մայիսի 11-ին Հայաստանի ու Ադրբեջանի սահմանին ռազմական բախումների հետ, կոչ է արել կողմերին մայիսի 14-ին Բրյուսելում կայանալիք հանդիպման ժամանակ համաձայնության գալ սահմանի երկայնքով ուժերի հեռացման վերաբերյալ, փոխանցում է «Ամերիկայի ձայն»-ը: ԱՄՆ պետքարտուղարության ներկայացուցիչն ասել է. «Գտնում ենք, որ այս տեսակի բռնությունները խաթարում են Հայաստանի և Ադրբեջանի առաջընթացը դեպի կայուն և արժանապատիվ խաղաղություն: Մենք կոչ ենք անում երկու երկրների ղեկավարներին Բրյուսելում մայիսի 14-ի հանդիպման ժամանակ համաձայնության գալ սահմանի երկայնքով իրենց ուժերի հեռացման շուրջ, ինչպես քննարկվել է պետքարտուղար Բլինքենի հետ կողմերի մասնակցությամբ բանակցություններում, որոնք մենք հյուրընկալել էինք այստեղ՝ Վաշինգթոնում, մայիսի սկզբին»,- ասել է փոխխոսնակը: