«Արցախն աշխարհի ամենաանկախ պետությունն է՝ մոտակա ևս 3-4 տարին, հետո կտեսնենք». Անդրանիկ Քոչարյան

ՔՊ-ական պատգամավոր Անդրանիկ Քոչարյանը լրագրողների հետ ճեպազրույցում անդրադառնալով Բրյուսելում տեղի ունեցած եռակողմ հանդիպմանը հաջորդած Շառլ Միշելի հայտարարությանը, ինչպես նաև պատասխանելով հարցին՝ Արցախը ճանաչվում է Ադրբեջանի տարածքային ամբողջականության մա՞ս, ասել է. «Արցախը գտնվում է այնտեղ, որտեղ միշտ գտնվել է. Արցախը տեղաշարժվե՞լ է: Հայաստանը միշտ ճանաչել է Ադրբեջանի տարածքային ամբողջականությունը, բայց Արցախն ունի իր սեփական տարածքն ու կարգավիճակը: Այսօր Արցախը, երևի, աշխարհի ամենաանկախ պետությունն է՝ մոտակա ևս 3-4 տարին, հետո կտեսնենք»: