«Այսքանից հետո տիտղոսային ընդդիմությունը վաղը գնալու է ԱԺ՝ բյուջեի կատարողական քննարկի՞». Կ. Քոչարյան

«Իշխանափոխություն կարող է տեղի ունենալ, եթե պայքար լինի: Օրինակ, ես չեմ կարողնում հասկանալ՝ տիտղոսային ընդդիմությունը վաղը գնալու է Ազգային ժողով՝ բյուջեի կատարողական քննարկի՞: Եթե գնալու են, ուրեմն կարծում եմ, հայտնի ֆրազայից՝ հաճախորդներից, ոչնչով չեն տարբերվելու: Հատկապես, որ Բրյուսելում Փաշինյանը հայտարարեց, որ ընդդիմությունը ոնց որ թե կառուցողական է դարձել, խելոքացել է և այլն: Եթե պիտի գնան բյուջե քննարկեն, ուրեմն համաձայն են դրա հետ»,- կառավարության դիմաց լրագրողների հետ զրույցում ասաց քաղտեխնոլոգ Կարեն Քոչարյանը:

«Երբեք այսքան թույլ իշխանություն չի եղել, պարզապես ընդդիմությունը կա՛մ այնքան թույլ է, կա՛մ չի ուզում, որ չի վերցնում իշխանությունը գետնին գցած»,- ասաց նա: