«Ժողովուրդը պետք է պատրաստվի լայն անհնազանդության». Իշխան Սաղաթելյան

«Հայ ժողովուրդը գերի է ընկել այս իշխանության ձեռքը, գերությունից ազատվելու համար պետք է նաև ապստամություն, անհնազանդություն»,- ԱԺ-ում լրագրողների հետ ճեպազրույցում ասաց ընդդիմադիր խմբակցության պատգամավոր Իշխան Սաղաթելյանը՝ հավելելով, որ բռնի գործողությունների կոչ չի հնչեցնում: «Իրենք տարբերակ չեն թողնում. այո՛, ժողովուրդը պետք է պատրաստվի ու դա մեր պարտականություն է, որ պատրաստենք ժողովրդին լայն անհնազանդության. այլընտրանքը չեմ տեսնում»,- հավելեց նա: