«Եթե պաշտոնյաների մեքենաներից «պլյոնկաները» հանված չեն, քաղաքացիները ինչո՞ւ պիտի հանեն». հարց՝ ՆԳ փոխնախարարին

«Մենք տեսնում ենք կառավարության անդամների մեքենաներ, որոնց ապակիների վրայից այսպես ասած՝ «սև պլյոնկաները» դեռ հեռացված չեն: Եթե կառավարության ադամները, պաշտոնյաները որպես օրինակ չեն ծառայում, քաղաքացիները ինչո՞ւ պետք է հեռացնեն»,- կառավարության նիստից հետո՝ դիմելով ՆԳ նախարարի տեղակալ Արփինե Սարգսյանին, հարցրին լրագրողները:

Ի պատասխան, պաշտոնյան ասաց. «Մեքենաների դիմապակիների թաղանթները հեռացնելու պահանջը վերաբերում է բոլորին: Հարցումը պետք է ուղղեք ձեր կողմից նշված կառույցներին...Եթե մեր գործընկերները դեռ չեն հեռացրել, ապա շատ կարճ ժամանակում կապահովենք»: