Ադրբեջանի ՄԻՊ-ը հանդիպել է դիվերսանտների կողմից առևանգված հայ զինծառայողներին

Ադրբեջանական կողմը հաղորդագրություն է տարածել, որում ասվում է, որ այդ երկրի մարդու իրավունքների պաշտպան Սաբինա Ալիևան այցելել է մայիսի 26-ին հակառակորդների դիվերսանտների կողմից առևանգված հայ զինծառայողներ Հարութ Հովակիմյանին և Կարեն Ղազարյանին: Հակառակորդ երկրի պաշտպանը նախ առանձնազրույցներ է ունեցել նրանցից ամեն մեկի հետ, ապա կայացել է համատեղ զրույց: Նրանք, իբրև թե, ոչ մի բողոք չեն ներկայացրել իրենց պահման պայմաններից: Նշենք, որ Ադրբեջանը հերթական անգամ խեղաթյուրում է փաստերը՝ նրանց ներկայացնելով որպես սահմանախախտներ: