«Որ Ղարաբաղը տվող չէիք, Մեղրին ինչի՞ էիք տալիս»․ Փաշինյան

«Վազգեն Սարգսյանը Ղարաբաղը տալի՞ս էր, դրա համար սպանվե՞ց, թե՞ կարող է՝ դուք էիք Մեղրին տալիս, դրա համար սպանվեց...»,-ԱԺ-ում 2022-ի բյուջեի կատարողականի քննարկման իր ամփոփիչ ելույթում ասաց վարչապետ Նիկոլ Փաշինյանը:

«Ինչպե՞ս է եղել «Հոկտեմբերի 27-ը. եղել է այնպես, որ այսպես սրճարաններում, այդ թվում՝ դահլիճում ներկա որոշ մարդիկ Նաիրի Հունանյանի հետ խոսելիս՝ ասել են. «Էս երկրում ինչքան պրոբլեմ կա՝ սաղ Վազգենն ա, գիտեին իրենց կադրն է, թույլ տեղերը գիտեին, թե որ տոչկեքի վրա սեղմեն..»,- ասաց նա:

«Իսկ որտե՞ղ էր Սերժ Սարգսյանը 1999 թվականի հոկտեմբերի 27-ին: Քաղաքում չէր, հեռու մի տեղ»,- շարունակեց Փաշինյանը՝ ապա հավելեց. «Եթե դուք Ղարաբաղը տվող չէիք, Մեղրին ինչի՞ պիտի տայիք, որ Ղարաբաղը վերցնեիք: Դուք Մեղրին Ղարաբաղի հետ փոխանակման թեմա նույնիսկ քննարկելով՝ ընդունել եք, որ Ղարաբաղը Ադրբեջանինն ա, հակառակ դեպքում, Հայաստանի ամբողջ շրջանը ինչի՞ պիտի տաք, որ Ղարաբաղ ստանաք»: