«Նիկոլը նաև դրա պատճառով Արցախը տարավ պարտության և հանձնման». Կիվիրյան

Վերլուծաբան Արգիշտի Կիվիրյանի գրառումը․ «Մի բան էլ ասեմ էլի։ Ես ժամանակին ղարաբաղցիներին բացատրել եմ, որ եթե իրենք ուզում են Հայաստանում շարունակել ունենալ իշխանություն, ապա իրենք ոչ մի պարագայում պետք է թույլ չտան պարտություն սպասվելիք Արցախյան պատերազմում։ Իսկ այն, որ այդ պատերազմը ուշ թե շուտ լինելու էր, ես դրա մասին խոսում էի դեռ 15-20 տարի առաջ։ Ղարաբաղցիներին Հայաստանում իշխելու քիչ թե շատ լեգիտիմ իրավունք տրվել էր Արցախյան առաջին պատերազմում հաղթանակը, ու եթե այդ հաղթանակը զրոյացվում էր պարտությամբ, ապա նաև կորում էին Երևանում իշխանություն ունենալու սակրալ հիմքերը։ Ցավոք անձնական ու ընտանեկան հարստացման հետևից ընկած ղարաբաղցիները այդպես էլ չհասկացան որ ինչի արդյունքում են իրենց ստացել այդ իշխանությունը ու ինչ ա պետք անել, որպեսզի դրա կյանքը հա երկարացվի։ Ընդ որում, վստահ եմ, որ Նիկոլը նաև դրա պատճառով Արցախը տարավ պարտության և հանձնման, դրանով իսկ մեկընդմիշտ փակելով ղարաբաղցիների առաջ Հայաստանում իշխանություն ունենալու միակ հնարավոր ճանապարհը։ Չկա Ղարաբաղ, Երևանում էլ չունես ու չես ունենա ոչ մի իշխանություն։ Դե ինչ ասես, եթե մարդիկ հազարամյակներով ձևավորված աստվածատուր իշխանությունը ստանալու շարքային այբուբենին չեն տիրապետում...»: