«Ատոմային արսենալով պետությունը տեսանելի ապագայում չի լինի աշխարհի քարտեզից ջնջել». Հայկարամ Նահապետյան

Լրագրող Հայկարամ Նահապետյանը ֆեյսբուքյան իր էջում գրել է. «ՌԴ-ն ճգնաժամային փուլում է, այո, բայց լինել-չլինելու, Պետերբուրգը կամ Վլադիվոստոկը ֆիզիկապես կորցնելու վտանգ չունեն։ Ատոմային արսենալով պետությունը տեսանելի ապագայում չի լինի աշխարհի քարտեզից ջնջել։ Այսքանով հանդերձ, նախօրեի ճգնաժամին ՌԴ հանրության միաբանման անհրաժեշտության մասին են խոսել Մեդվեդևը, Զախարովան, Մատվիենկոն, անգամ Չեչնիայի ղեկավար Կադիրովը, որը էթնիկ առումով ռուս չէ, սլավոն էլ չէ։ Բայց դժվար պահին հանրության կոնսոլիդացիայի մասին խոսացին մի ձայնով։
Երևի կարիք չկա մանրամասնելու, որ ստրատեգիական առումով մեր վիճակը ՌԴ համեմատ շատ ավելի, մեղմ ասած, ոչ նախանձելի է։ Իսկ հիմա նայենք, թե մեր հանրային ու քաղաքական դիսկուրսում ինչ է կատարվում։ Մարդկանց մոբիլիզացնելու զրոյին մոտ աշխատանք է արվում, ՖԲ-ն հեղեղված է թուք&մուրով։ Ոնց որ թե ոչ թե ճգնաժամային փուլում ենք, այլ անդարդ մի երկիր, առանց սպառնալիքների։
Մեր ողջ համակարգը, իր բոլոր մեխանիզմներով ու պլաստերով, հիմա պետք է աշխատեր համահայկական ռեսուրսների մեկտեղման ուղղությամբ»: