«Ադրբեջանը ցեղասպանական գործողություններով ձգտում է հասնել իր հիմնական նպատակին». ԱՀ ԱԺ նախագահ

«Արցախի Հանրապետության քաղաքացիների հերթական սպանությունը վկայում է, որ այդ Ադրբեջանի ռազմաքաղաքական ղեկավարությունը՝ անտեսելով միջազգային հեղինակավոր կառույցների կոչերն ու որոշումները՝ խաղաղության և երկխոսության կեղծ օրակարգերով, ցեղասպանական գործողություններով ձգտում է քաղաքական, տնետեսական, ռազամական գործիքակազմերի կիրառմամբ հասնել իր հիմնական նպատակին՝ Արցախի վերջնական հայաթափմանը»,- Արցախի ԱԺ նիստի ժամանակ, իր ելույթում, ասաց ԱԺ նախագահ Արթուր Թովմասյանը:

«Ուշագրավ և հատկանշանակ է, որ Ադրբեջանի կողմից հրադադարի ռեժիմի պարբերաբար խախտումները և այս նոր միջադեպը նախորդ դեպքերի նման արձանագրվել է այն ժամանակ, երբ ներկայումս ԱՄՆ պետքարտուղարի միջնորդությամբ Վաշինգտոնում տեղի են ունենում Հայաստանի, Ադրբեջանի ԱԳ նախարարների հերթական բանակցությունները: Դա ևս մեկ անգամ վկայում է, որ խաղաղության պայմանագրի շուրջ տեղի ունեցող այս բանակցություններն իրականում ոչ այլ ինչ են, քան տարածաշրջանում տևական խաղաղության և կայունության հաստատման մթնոլորտի ձևավորվամ նմանակում՝ իբր թե միջազգային ջանքերի համատեքստում»,- ասաց Թովմասյանը: