Ռուս գեներալները գիտեին Պրիգոժինի ծրագրերի մասին

ԱՄՆ պաշտոնյաները, ովքեր ուսումնասիրել են հետախուզության տվյալները, ասում են, որ ռուս գեներալ Սուրովիկինը, ով ՌԴ-ում նշանակվել է որպես միջնորդ ՊՆ-ի և «Վագներ»-ի միջև, նախկինում տեղյակ է եղել Պրիգոժինի՝ ռուսական ռազմական ղեկավարության դեմ ապստամբելու ծրագրերի մասին: Այս մասին գրում է «Պրավդա»-ն՝ հղում անելով «Նյու Յորք Թայմս»-ին:

Պաշտոնյաների խոսքով, իրենք փորձում են պարզել, թե արդյոք գեներալ Սուրովիկինն օգնե՞լ է պլանավորել Պրիգոժինի քայլերը, քանզի կան նշաններ, որ այլ ռուս գեներալներ կարող էին աջակցել Պրիգոժինի փորձին՝ ուժով փոխարինել Ռուսաստանի պաշտպանության նախարարության ղեկավարությունը:

ԱՄՆ ներկայիս և նախկին պաշտոնյաները նշել են, որ Պրիգոժինը չէր սկսի ապստամբությունը, եթե վստահ չլիներ, որ իրեն օգնության կգան այլ բարձրաստիճան պաշտոնյաներ։