«Հնարավոր է՝ վանդալիզմը եղել է կանխամտածված». Ռուբեն Մելիքյան

Իրավապաշտպան Ռուբեն Մելիքյանը ֆեյսբուքյան էջում լուսանկար է հրապարակել՝ կից գրառմամբ. «Սպիտակից հետո չէր կարելի չայցելել Վանաձոր։ Իսկ Վանաձորում չէր կարելի չգտնել «Լաոյի հուշարձանը»՝ 21-րդ դարում Հայաստանում տեղադրված թերևս ամենախորհրդանշական արձանը (թեպետ, ինչ մեղքս թաքցնեմ, հուշարձանում կոդավորված ոչ բոլոր խորհրդանիշները կարողացա բացահայտել, ընկալել ու հասկանալ):
Եվ ահա ցավով նկատեցի, որ վանդալները պոկել են հուշարձանի աջ կողմի՝ վերևից 4-րդ (ներքևից 5-րդ) ճառագայթը։ Հնարավոր է՝ այդ վանդալիզմը եղել է կանխամտածված և նպատակ է հետապնդել խաթարել հուշարձանի խորհրդանշական ամբողջականությունը»։