«F16-երի խոցումը հնարավոր էր ՊԲ ՀՕՊ-ի կողմից, բայց չէր կատարվում, քանի որ որոշված էր չսադրել իրավիճակը»․ Տոնոյան

ԱԺ քննիչ հանձնաժողովի նիստում Պաշտպանության նախկին նախարար Դավիթ Տոնոյանը հայտնեց, որ պատերազմից առաջ հանդիպումներ է ունեցել ՀԱՊԿ-ի անդամ երկրների և ՆԱՏՕ-ի անդամ երկրների հետ, որի նպատակը Թուրքիայի ներգրավվածությունը, F16-երի կիրառելիությունը չեզոքացնելն էր:

«Երբ ամեն օր գրեթե 4 ինքնաթիռ անընդհատ՝ գրեթե 4, 5, 6, 8 ժամվա մեջ գտնվում էին օդում և մոտենում էին 45 կմ-ից, անգամ ժամանակ առ ժամանակ 25 կմ-ից, որ ստիպում էին Պաշտպանության բանակի ՀՕՊ-ին միանալ, ավելացրեց մեր մտահոգությունը»,- ասաց Տոնոյանը՝ շարունակելով. «Օրական ունեցել եմ 3-4 հանդիպումներ, առաջնահերթությունը տրված էր ՆԱՏՕ-ի անդամ երկրների դեսպաններին: Բոլորին տրվել են Թուրքիայի F-16-երի օդային դիագրամաները, ու տրվել են ամենօրյա պարբերականությամբ: Խնդրանքս եղել է՝ չեզոքացնել այդ երկրի ներգրավումը արցախյան պատերազմի թատերաբեմում»:

«Որոշակի դիմում կար մեզ չսադրելու, սառնասրտություն ցուցաբերելու, որը հնարավորինս իրականացվել է մեր կողմից, ամեն դեպքում F16-ի խոցումը ՊԲ ՀՕՊ–ի կողմից հնարավոր էր, բայց չէր կատարվում, քանի որ իրենց իսկ կողմից որոշված էր չսադրել իրավիճակը»,– ասաց Տոնոյանը։