Դավիթ Տոնոյանը՝ 5-րդ շարասյան և ուղղորդված դասալքության դեպքերի մասին

«Ես սրտատրոփ սպասում եմ 5–րդ շարասյան հետ կապված փաստերի ներկայացմանը, քանի որ եթե նման բան է եղել, ես կուզենայի իմանալ։ Քանի որ 5-րդ շարասյան մասին հրապարակային է ասվել, կուզենայի՝ որ փաստերն էլ հրապարակային հնչեին»,-այսօր, ՀՀ ԱԺ 44-օրյա պատերազմի հանգամանքներն ուսումնասիրող քննիչ հանձնաժողովի նիստում, ասաց ՀՀ պաշտպանության նախկին նախարար Դավիթ Տոնոյանը։

Անդրադառնալով դասալքության դեպքերին, Տոնոյանն ասաց. «Դասալքությունը կազմակերպչական թերության, վախի կոնցեպտ է եղել: Վախը բնական բան է, բայց վախը հաղթահարելու համար անհրաժեշտ է պատրաստություն, որպեսզի լինի պատրաստություն, պետք է լինի կազմակերպչական աշխատանք։ Մենք աշխատել ենք շատ սուղ ժամանակահատվածում։ Բայց որ ես ունեցել եմ տեղեկություն, որ այն ուղղորդվում է՝ ես այդպիսի տեղեկություններ չունեմ»: