«Ադրբեջանն ամբողջ աշխարհին ցույց է տալիս «ինտեգրացիայի» հեռանկարի իրական պատկերը». Ս. Սահակյան

Հասարակական գործիչ Սուրեն Սահակյանը ֆեյսբուքյան իր էջում գրում է. «Ադրբեջանը Հակարիի կամրջի ապօրինի անցակետում Հայաստանի քաղաքացիներին գերեվարելով ամբողջ աշխարհին ցույց ա տալիս «ինտեգրացիայի» հեռանկարի իրական պատկերը։ Բա ի՞նչ կա նորօրյա փոքրիկ լիպարիտյանականներից։ «10-20 տոկոսի շանսը» դեռ պահպանում ա՞ իր արդիականությունը, դեռ իրավունք չունե՞նք էդ «շանսը» ձեռքներիցս բաց թողնել։ Ադրբեջանն իր գործողություններով, որոնք իր համար իրականում այլընտրանք չունեն, մեզ ստիպում են հանգել երկընտրանքի՝ կա´մ մենք կա´մ իրենք։ Ու երբ իրենք հասկանան, որ էդ երկընտրանքն արդեն մեզ համար կայացված որոշում ու գործողություններ են դարձել, արդեն ուշ ա լինելու»։