«Ինչո՞ւ ճնշում չէին գործադրում Վագիֆին առևանգողների հանդեպ». քաղաքացիները` ոստիկաններին

Ինչպես հայտնել էինք, վաղ առավոտից մի խումբ քաղաքացիներ փակել են Կարմիր խաչի միջազգային կոմիտեի հայաստանյան գրասենյակի մուտքերն ու ելքերը:
Ակցիան տեղի է ունենում ադրբեջանցիների կողմից առևանգված Վագիֆ Խաչատրյանի աղջկա՝ Վերա Խաչատրյանի գլխավորությամբ:

Հիշեցնենք, որ Վերա Խաչատրյանը Կարմիր խաչից պահանջել էր, որպեսզի տեսազանգով կապ ապահովեն իր հոր հետ, ինչը չի իրականացվել:

Դիմելով հավաքվածներին՝ ոստիկաններից մեկն ասաց՝ գեղեցիկ չէ, ի պատասխան քաղաքացիները նշեցին. «Ինչո՞ւ ճնշում չէին գործադրում ապօրինի անցակետի աշխատակիցների նկատմամբ, ովքեր առևանգում էին Վագիֆին, ինչո՞ւ էնտեղ չկային էսպիսի մարդիկ, որ ճնշում գործադրեին»: