Երկուշաբթի, 20 ապրիլի, 2026 թ.
|
Ստեփանակերտում`   +8 °C

Պաշտպանության նախարարությունը հրաժարվում է հայտնել՝ ՍՈՒ-25-երը արդիականացվե՞լ են, թե՞ ոչ

Պաշտպանության նախարարությունը հրաժարվում է հայտնել՝ ՍՈՒ-25-երը արդիականացվե՞լ են, թե՞ ոչ
217
Երկուշաբթի, 14 օգոստոսի, 2023 թ., 16:18

Պաշտպանության նախարարությունը հրաժարվում է հայտնել՝ ՀՀ զինված ուժերի սպառազինությունում առկա ՍՈՒ-25 գրոհիչ ինքնաթիռներն արդիկանացվե՞լ են, թե՞ ոչ։ Այս մասին հայտնում է «Հետքը»։

Հիշեցնենք՝ 2020 թվականի օգոստոսի 24-ին Պաշտպանության նախարարությունը հայտնել է, որ ՀՀ ՊՆ-ի և Ռուսաստանի Միավորված ավիաշինարարական ընկերության միջև ստորագրվել է ՍՈՒ-25-ի արդիականացման և վերանորոգման պայմանագիր։

Փաստաթուղթը ստորագրել են ՀՀ պաշտպանության նախարարի տեղակալ Մակար Ղամբարյանը (ներկայում ազատված է պաշտոնից) և «Միավորված ավիաշինարարական ընկերություն» ՀԲԸ գլխավոր տնօրենի վաճառքի և մարքեթինգի գծով տեղակալ Իլյա Տարասենկոն:

Ինչպես հաղորդել էր Պաշտպանության նախարարությունը, «Բանակ-2020» միջազգային ռազմատեխնիկական համաժողովի շրջանակներում կնքված պայմանագիրը հաստատում է ավիատեխնիկայի արդիականացման և ավելի վաղ թողարկված ինքնաթիռների ամբողջական կենսական ցիկլի պահպանման Միավորված ավիաշինարարական ընկերության իրավասությունը:

Առավել մանրամասն՝ սկզբնաղբյուր կայքում