«Մի քանի ադրբեջանցու ցուցմունքը չի կարող հորս դատելու հիմք հանդիսանալ»․ Վերա Խաչատրյան

ՀՀ-ում ՌԴ դեսպանատան առջև այսօրվա ակցիայի ժամանակ ադրբեջանցիների կողմից առևանգված Վագիֆ Խաչատրյանի դուստրը լրագրողների հետ զրույցում ասել է, որ տեսակապով կամ հեռախոսակապով դեռևս կապ չի հաստատել հոր հետ․ լուրերը Կարմիր խաչի միջոցով են ստանում։ «Ադրբեջանի կողմից ներկայացված սադրանքները ոչ մի կապ չունեն հորս հետ, մի քանի ադրբեջանցիների բանավոր ցուցմունքը չի կարող հորս դատելու հիմք հանդիսանալ։ Ես էլ կարող եմ երեք հարյուր անձ հրավիրել, ովքեր կարող են բանավոր ցուցմունք տալ, որ հայրս կապ չունի սադրանքների հետ»,- ասել է նա։