«Երևանի ավագանու ընտրություններով Հայաստանում իշխանափոխություն չի կարող լինել». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Անկախ Հայաստանում երբեք ընտրություններով իշխանություն չի փոխվել, որովհետև օրվա իշխանությունը օգտագործելով վարչական և այլ լծակները՝ «հաղթել է» ընտրություններում։ Ստալինն ասել է՝ կարևոր չէ, թե ինչպես են քվեարկել, կարևոր այն է, ով է քվեները հաշվում։ Այդպես է մտածել նաև «ժողովրդավարության բաստիոնի առաջնորդ» Նիկոլ Փաշինյանը, ով իր ընտանեկան թերթի լրագրողին սարքել է ԿԸՀ նախագահ։ Սեպտեմբերի 17-ին կայանալիք Երևանի ավագանու ընտրություններով Հայաստանում իշխանափոխություն չի կարող լինել, սակայն այդ ընտրություններում վարչական ռեսուրսի չարաշահումը, այլ օրինախախտումները կարող են առիթ դառնալ իշխանափոխության համար հետընտրական փողոցային պայքարի։ Եթե, իհարկե, նման ցանկություն ունեցող, գործողությունների դիմող քաղաքական ուժ գտնվի Հայաստանում»։