«Ընտրություններին մասնակցում ենք ամբողջական իշխանափոխության ծրագրով»․ Անդրանիկ Թևանյան

Երևանի ավագանու ընտրությունների նախընտրական քարոզարշավի 5-րդ օրը «Մայր Հայաստան» դաշինքի քաղաքապետի թեկնածու Անդրանիկ Թևանյանը Նոր Նորք վարչական շրջանում է: «Մեր դաշինքը Երևանի ավագանու ընտրություններին մասնակցում է ամբողջական իշխանափոխության ծրագրով, որովհետև համոզված է, որ միայն դրա միջոցով է հնարավոր ապահովել Հայաստանի անվտանգությունը: Մեր գլխավոր խնդիրն այս քարոզարշավում մարդկանց ոտքի հանելն է: Դրականն այն է, որ շատերի համար ընկալելի է, որ Երևանի ընտրությունները միայն տեղական ընտրություն չեն։ Մեր երկիրն այն վիճակում չէ, որ Երևանի ընտրությունը միայն ՏԻՄ ընտրություն համարվի»,- ասել է Թևանյանը։ Նրա խոսքով՝ բակային հանդիպումների ժամանակ նկատում է, որ մարդիկ անտարբեր չեն, հետևում են իրադարձություններին ու անհանգստացած են ստեղծված իրավիճակով: