Ադրբեջանը «հստակ պահանջներ» է ներկայացրել Հայաստանին
![]() 701 Երկուշաբթի, 18 սեպտեմբերի, 2023 թ., 20:42 Ադրբեջանի արտաքին գործերի նախարարությունն այսօր ճեպազրույց է անցկացրել Ադրբեջանում հավատարմագրված դիվանագիտական կորպուսի համար՝ Ադրբեջանի նախագահի օգնական՝ նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևի, Արտաքին գործերի փոխնախարար Ֆարիզ Ռզաևի և նախագահի հատուկ հանձնարարությունների գծով ներկայացուցիչ Էլչին Ամիրբեկովի մասնակցությամբ։ «Ընդհակառակը, հակառակ կողմից մենք բախվում ենք անընդհատ սադրիչ քայլերի։ Այս առումով վառ օրինակ են, այսպես կոչված, «նախագահական ընտրությունները» Ղարաբաղի շրջանում։ Չնայած Ադրբեջանի կոչերին՝ հայկական կողմը չի հրաժարվել իր գործողություններից այս ուղղությամբ»,- նշել են ճեպազրույցի մասնակիցները։ Նշվել է նաև, որ Ակնա-Ստեփանակերտ և Բերձոր-Ստեփանակերտ ճանապարհները «հայ բնակիչներին ապրանքներ հասցնելու համար միաժամանակ օգտագործելու նախաձեռնությանն աջակցել են ԱՄՆ Պետդեպարտամենտը, ՌԴ ԱԳՆ-ն, ԵՄ խորհրդի նախագահի մամուլի քարտուղարը»: Հակառակորդը հայտարարել է նաև, որ իբրև թե ԵԱՀԿ Մշտական խորհրդի նիստում ունեցած ելույթներում, և ճանապարհների բացման դեմ հայկական կողմի առարկությունները քաղաքական էին և կապ չունեին որևէ «մարդասիրական նկատառումների» հետ. «Նպատակը գործիքների և միջոցների պահպանումն է՝ հետագա անջատողականություն հրահրելու համար Ադրբեջանի տարածքում»։ «Միևնույն ժամանակ, ապրանքների առաքման խնդրի շուրջ ստեղծված իրավիճակը անջատ չէ Հայաստանի՝ հաճախակիացող ռազմաքաղաքական սադրանքներից։ Հայաստանի ավելի քան 10 հազար զինված ուժեր շարունակում են անօրինական կերպով տեղակայվել Ադրբեջանի տարածքում։ Հարյուրից ավելի տանկ և այլ զրահատեխնիկա, ավելի քան երկու հարյուր ծանր հրետանի, ներառյալ բազմակի հրթիռային համակարգեր, տարբեր տեսակի էլեկտրոնային պատերազմի տասնյակ սարքավորումներ, ավելի քան երկու հարյուր ականանետներ ներկայումս տեղակայված են Ադրբեջանի տարածքում, որտեղ ռուս խաղաղապահ զորախումբը ժամանակավորապես տեղակայված է»,- ընդգծել են ասուլիսի մասնակիցները։ Նշվել է, որ «հատկապես մտահոգիչ է Ադրբեջանի ինքնիշխան տարածքում անօրինական կերպով տեղակայված էլեկտրոնային պատերազմի տեխնիկայի օգտագործումը, որը խոչընդոտել է ոչ միայն «Ադրբեջանական ավիաուղիների» քաղաքացիական ինքնաթիռների, այլ նաև արտասահմանյան երկրների ինքնաթիռների թռիչքը, ինչը լուրջ վտանգ է ներկայացնում մարդկանց և օդային երթևեկության անվտանգության համար։ Այս սպառնալից գործողությունների մասին տեղեկացվել է Քաղաքացիական ավիացիայի միջազգային կազմակերպությունը (ICAO) և ռուսական խաղաղապահ զորախումբը»։ «Վերջին օրերին մենք ականատես եղանք է՛լ ավելի ինտենսիվ ռազմական սադրանքների, որոնք ուղեկցվում էին ռազմական ուժի աճով, ինչպես Ադրբեջանի և Հայաստանի միջև չբաժանված սահմանի երկայնքով, այնպես էլ Ղարաբաղի շրջանում։ Հայաստանը նոր խրամատներ է փորում, ամրություններ է կառուցում և անձնակազմ ու տեխնիկա է կուտակում, ըստ երևույթին, փորձում է նոր ռազմական հարձակում սկսել»,- հայտարարել են ադրբեջաբնցի պաշտոնյաները: Ճեպազրույցի մասնակիցներն ուշադրություն են հրավիրել իբրև թե «հայ պաշտոնյաների հայտարարությունների և գործողությունների անհամապատասխանության վրա»։ Հայաստանի վարչապետի «շնորհավորական ուղերձը» Ադրբեջանի տարածքում ապօրինի խամաճիկ ռեժիմի ստեղծման, այսպես կոչված, տարեդարձի կապակցությամբ, ևս մեկ վկայություն է այն բանի, որ Հայաստանն անկեղծ չէ իր նախկին հայտարարություններում՝ կապված Ադրբեջանի ինքնիշխանության ու տարածքային ամբողջականության ճանաչման հետ։ «Ադրբեջանի ինքնիշխանությունն ու տարածքային ամբողջականությունը նույնքան կարևոր են, որքան ցանկացած այլ երկրի ինքնիշխանությունն ու տարածքային ամբողջականությունը, և հետևաբար, Ադրբեջանը նույն իրավունքն ունի, ինչ աշխարհի ցանկացած այլ երկիր՝ պաշտպանելու իր ինքնիշխանությունն ու տարածքային ամբողջականությունը միջազգային իրավունքով նախատեսված բոլոր միջոցներով։ Այս կրիտիկական հանգրվանում առավել քան երբևէ կարևոր և անհրաժեշտ է Հայաստանին ստիպել շրջել իր վտանգավոր ընթացքը։ Հայաստանը և խունտան (հակառակորդը նկատի ունի Արցախի Հանրապետության իշխանություններին-խմբ.), որը նա շարունակում է պահպանել Ադրբեջանի ինքնիշխան տարածքներում բոլոր հնարավոր գաղափարական, քաղաքական, ռազմական, ֆինանսական և այլ միջոցներով, պետք է կանգնեն միջազգային հանրության միակ հստակ դիրքորոշման առաջ, որ ժամանակ ձգելու հին մարտավարությանը ապավինելը շանս չունի ցանկալի արդյունքի ստանալու համար։ Ադրբեջանը շահագրգռված է լուծում գտնելու և դա ապացուցել է այն կողմերի հետ իր անկեղծ փոխգործակցությամբ, որոնք առաջարկել են իրենց բարի ծառայություններն ու միջնորդությունը։ Բոլոր դեպքերում, առանց բացառության, հայկական կողմը տարբեր պատրվակներով խախտել է նախկինում ձեռք բերված պայմանավորվածությունները։ Իրական պատճառը շարունակում է մնալ իրավիճակը երկարացնելու, արհեստականորեն լարվածություն բորբոքելու և ի վերջո կարգավորման գործընթացը հունից հանելու ցանկությունը։ Ադրբեջանի հավատարմությունը խաղաղ գործընթացին ամուր է և հաստատվում է 2020 թվականի նոյեմբերից մեր ձեռնարկած հետևողական քայլերով։ Հայաստանից պահանջվում է դադարեցնել ռազմական հզորության զարգացումը, ձեռնպահ մնալ ռևանշիստական ծրագրերից, դադարեցնել Ադրբեջանի տարածքային ամբողջականության և ինքնիշխանության ու ոտնահարումից, ինչպես նաև դադարեցնել անջատողականության և ահաբեկչության հովանավորումը Ադրբեջանի Ղարաբաղի տարածաշրջանում։ Ադրբեջանական կողմը նաև պահանջում է անհապաղ սկսել հայ զինվորականների դուրսբերումը, լուծարել Հայաստանին ենթակա խամաճիկ ռեժիմի ռազմական և այսպես կոչված «կառավարական» կառույցները և զինաթափել Ադրբեջանի տարածքում անօրինական կերպով տեղակայված հայկական զինված ուժերը։ Այս դեպքում, այսպես կոչված, անօրինական ռեժիմի «ներկայացուցիչների» նկատմամբ կարող է կիրառվել համաներում»,- եզրափակել են ճեպազրույցի մասնակիցները։ |
Միրզոյանը հանդիպել է ՄԱԿ-ի գլխավոր քարտուղարի հետ
16613:48Արցախից դուրս գալու ցանկություն հայտնած ընտանիքները կտեղափոխվեն ՀՀ
11013:30«Ադրբեջանի հաջորդ նպատակը կարող է լինել Հայաստանին ստիպողաբար արտատարածքային միջանցք պարտադրելը»․ Արարատ Միրզոյան (տեսանյութ)
44110:24Թուրքիայի ԱԳՆ-ն բացատրել է, թե ինչու է Ադրբեջանը «գործողություն իրականացրել» Արցախում
564Երեկ, 22:18Կարմիր խաչն այսօր 17 վիրավորի է Մարտակերտից Ստեփանակերտ տեղափոխել
473Երեկ, 21:12«Սա հայատյացություն է»․ Արցախի ՄԻՊ (լուսանկար)
1547Երեկ, 14:30Ստեփանակերտ ադրբեջանական զորք չի մտել․ ԱՀ տեղեկատվական շտաբ
594Երեկ, 13:36Տեղի է ունեցել Փաշինյան-Շոլց հեռախոսազրույցը
84622.09.2023, 22:42