Շաբաթ, 08 նոյեմբերի, 2025 թ.
|
Ստեփանակերտում`   +12 °C

«2019թ-ին Արցախի ղեկավարությանն ասել եմ՝ կա փաստաթուղթ, որը թաքցվում է». Սերժ Սարգսյան

«2019թ-ին Արցախի ղեկավարությանն ասել եմ՝ կա փաստաթուղթ, որը թաքցվում է». Սերժ Սարգսյան
149
Այսօր, 00:02

«ՀՀ կառավարիչներին 2019-ին նոր առաջարկ-փաստաթուղթ են տվել, հանրությունից թաքցվում էր: Մենք ասում էինք, որ կա նոր փաստաթուղթ, իսկ իրենք ասում էին՝ չկա: Արտգործնախարարը գնում էր հանդիպումների, մենք տեղեկություններ էինք ստանում, որ կա՛ այդպիսի փաստաթուղթ»,- «Իմնեմնիմի» փոդքաստ-ի ժամանակ ասել է ՀՀ երրորդ նախագահ Սերժ Սարգսյանը՝ անդրադառնալով Արցախի հարցով ԵԱՀԿ ՄԽ համանախագահների առաջարկած փաստաթղթին:

Շարունակելով խոսքը՝ երրորդ նախագահը հայտնել է. «Ես Արցախի Հանրապետության ղեկավարությանն ասել եմ, որ կա այդպիսի փաստաթուղթ, գնացե՛ք այդ կառավարիչի (Նիկոլ Փաշինյանի) մոտ, թող ցույց տա: Իրենք զարմացան, որ կարող է փաստաթուղթ լինել, բայց իրենք տեղյակ չլինեն: Այդպես ընթացավ, մինչև ՌԴ ԱԳՆ-ն հայտարարեց, որ կա այդպիսի փաստաթուղթ: Այդ փաստաթուղթը ես տեսել եմ 8-9 ամիս առաջ:

Ես կարծում էի, որ տվել են փաստաթուղթ, որը ընդունելի չէ մեզ համար, բայց պարզվում է, որ այդ փաստաթուղթը որպես բանակցությունների հիմք հանգիստ կարելի էր օգտագործել, որովհետև այնտեղ կային 3 սկզբունքները...

Եթե ճիշտ բանակցվեր, այդ փաստաթղթին կգումարվեր ևս 2 փաստաթուղթ: Թե ինչու ինքը (Նիկոլ Փաշինյանը) իրեն գժի տեղ դրեց, կարծում եմ, որ ինքը պատրաստ չէր փոխզիջումների միջոցով գնալ խնդրի լուծմանը: Իսկ առանջ փոխզիջումների անհնար էր այդ խնդիրը լուծել: Ինքը իրեն դրել էր «ոչմիթիզականի» տեղ, իսկ ոչմիթիզականությունը կործանարար է»։

»:

Կարդացե՛ք նաև