«Ինչո՞վ իմանանք, որ խաղաղություն է․ ո՞րն է փաստարկը․ այդ հեքիաթները որտեղի՞ց են սովորել»․ Սերժ Սարգսյան

«Սրանց ամեն օր խաղաղություն-խաղաղություն ասելն ինչ-որ հիմք կունենար, եթե մենք Ադրբեջանում չունենայինք հայ գերիներ»,- այս մասին «Իմնեմնիմի» փոդքասթի ուղիղ եթերի ժամանակ նշեց ՀՀ երրորդ նախագահ Սերժ Սարգսյանը՝ հավելելով՝ բա ինչո՞վ իմանանք, որ խաղաղություն է։ Ո՞րն է փաստարկը, որ սահմանին չեն կրակո՞ւմ․․․

«Ես դեմ չեմ, որ Ադրբեջանով ցորեն էլ գա, բենզին էլ գա, ամեն ինչ էլ գա, բայց արդյո՞ք դա համարժեք է այն նախապատրաստական աշխատանքներին, որ կատարվում են կապված Մեղրիի, Զանգեզուրյան միջանքցի հետ․ կարծում եմ՝ համարժե՛ք չէ»,- նշեց Սարգսյանը՝ հավելելով, որ սկզբի համար անհրաժեշտ էր խոսել Բաքու-Ղազախ-Իջևան-Երևան ճանապարհի մասին․ այնտեղ ավելի քիչ ներդրումներ էին պահանջվում, քան Մեղրիում։

Սերժ Սարգսյանը հեքիաթներ է համարում գործող իշխանությունների այն հայտարարությունները, թե հնարավոր է ադրբեջանցիների հետ խաղաղ ապրել կողք կողքի։ «Իրենցից քանի՞սն են ապրել այդ միջավայրում, որ այդպես խոսում են… Ոչ մեկը։ Այդ դեպքում այդ հեքիաթները որտեղի՞ց են սովորել»։