Շաբաթ, 28 փետրվարի, 2026 թ.
|
Ստեփանակերտում`   -2 °C

«Կասկած ունեմ, որ այդ ցուցակում ընդգրկվել են մարդիկ` նաև ոչ առանց Հայաստանի միջամտության»․ Սերժ Սարգսյան

«Կասկած ունեմ, որ այդ ցուցակում ընդգրկվել են մարդիկ` նաև ոչ առանց Հայաստանի միջամտության»․ Սերժ Սարգսյան
291
Շաբաթ, 08 նոյեմբերի, 2025 թ., 01:12

«Բաքվի բանտում գտնվող Արցախի ղեկավարներն այլընտրանք չունեին՝ կա՛մ պետք է փախչեին, գային Հայաստան՝ դրանով իսկ վարկաբեկելով իրենց․․․, կամ էլ գնային ինքնազոհողության․ ընտրեցին ինքնազոհողությունը, սպասեցին այնքան, մինչև մարդկանց 99,9 տոկոսն անցավ անցակետով»,- այս մասին «Իմնեմնիմի» փոդքասթի ուղիղ եթերի ժամանակ նշեց ՀՀ երրորդ նախագահ Սերժ Սարգսյանը։

Նրա խոսքով՝ կար տարբերակ, որ նրանց էլ օդային ճանապարհով էվակուացնեին, ինչպես դա արեցին արդեն գործող նախագահ Սամվել Շահրամանյանի և մի քանի հոգու դեպքում, բայց որոշ հանգամանքներ թույլ չտվեցին դա անել։

«Ես մեծ կասկած ունեմ, որ այդ ցուցակում ընդգրկվել են մարդիկ՝ նաև ոչ առանց Հայաստանի միջամտության, որովհետև ինձ համար շատ տարօրինակ է․ օրինակ՝ ինչո՞ւ, ադրբեջանցիները պիտի թողնեին գործող ՊԲ հրամանատարին սահմանն անցնել ու հասնել Հայաստան, իսկ պաշտպանության նախարարին, որն արդեն երկու տարի պաշտպանության նախարար չէր, գերեվարեին»,- հայտարարեց Սարգսյանը՝ ընդգծելով՝ հստակ ցուցակ է եղել։

«Այդ ցուցակի մասին տեղյակ է եղել նաև Սամվել Շահրամանյանը, և կարծում եմ՝ կգա ժամանակը, նա այդ ցուցակի մասին մանրամասն կխոսի։