«ՀՀ անձնագրով ցանկացած մեկը, այդ թվում` Ռուբեն Վարդանյանը, պետք է լինի Հայաստանի պաշտպանության ներքո». Արշալույս Մղդեսյան

«Մեդիա կենտրոն» ծրագրի խմբագիր-համակարգող Արշալույս Մղդեսյանը գրում է. «ՀՀ անձնագրով ցանկացած մեկը, այդ թվում Ռուբեն Վարդանյանը, պետք է լինի Հայաստանի պաշտպանության ներքո։ Առնվազն նրանց իրավունքները պետք է պաշտպանվի հանարավորիս արդյունավետ, այդ թվում միջազգային ատյանների ու կազմակերպությունների միջոցով։
Ու Հայաստանը և ոչ միայն Հայաստանն ամեն բան պետք է անեն, որ Ադրբեջանից վերադարձնեն ՀՀ բոլոր քաղաքացիներին։ Ժամանակը չէ չարախնդալու ու հաշիվներ մաքրելու։ Էդ հաշիվները պետք է մաքրվեն կամ բարձրայնվող հարցերի պատասխանները պետք է հնչեն ՀՀ-ում, ոչ թե Բաքվի բանտերում ու կալանավայրերում»։