«Խանքենդիում» չի հայտնաբերվել քաղաքացիական ենթակառուցվածքների ոչնչացման, խաղաղ բնակիչների նկատմամբ բռնության նշաններ․ ՄԱԿ ներկայացուցիչ

ՄԱԿ-ի գլխավոր քարտուղարի ներկայացուցիչ Ստեֆան Դյուժարիկը հայտարարել է, որ տարածաշրջան կատարած մեկօրյա այցի ժամանակ, որի ընթացքում համաշխարհային կազմակերպության ներկայացուցիչներն այցելել են «Խանքենդի» (ՄԱԿ-ի ներկայացուցիչը «Ստեփանակերտ»-ի փոխարեն կիրառում է ադրբեջանական անվանումը), ՄԱԿ-ի առաքելությունը քաղաքացիական ենթակառուցվածքների ոչնչացման նշաններ չի հայտնաբերել, ներառյալ դպրոցները, հիվանդանոցները, թեև բոլոր խանութները փակ են։

«Նրանք չեն լսել խաղաղ բնակիչների նկատմամբ բռնության մասին որևէ հաղորդում վերջին զինադադարից հետո: Նրանք չեն հայտնաբերել սատկած անասուններ կամ ընտանի կենդանիներ կամ գյուղատնտեսական ենթակառուցվածքների ոչնչացում»,- ավելացրել է նա: Դյուժարիկը նշել է, որ ՄԱԿ-ի թիմն ավարտել է իր այցը Ղարաբաղ, սակայն շարունակում է աշխատել Ադրբեջանի կառավարության հետ՝ տարածաշրջանում իրավիճակը վերահսկելու համար։