«Ադրբեջանի ագրեսիան էթնիկ զտում է Արցախի ժողովրդի դեմ». Ֆրանսիայի Սենատի նախագահ

Ֆրանսիայի Սենատի նախագահ Ժերար Լարշեն էթնիկ զտում է անվանել Արցախի ժողովրդի դեմ Ադրբեջանի գործողությունները։ «Իմ համերաշխությունն եմ հայտնում Հայաստանին և ունեմ մեկ հարց՝ արդյո՞ք այդ երկիրը պետք է զոհաբերվի՝ հանուն Ադրբեջանի հետ էներգետիկ համաձայնության։ Մենք պետք է համարձակություն ունենանք և պաշտպանենք Լեռնային Ղարաբաղի և Հայաստանի ժողովրդին։ Նրանք հարկադրաբար լքել են իրենց հողը։ Եթե դա էթնիկ զտում չէ, ապա ի՞նչ է»,- ասել է նա։