«Ինչպես եղավ, որ երեկ ազատ արձակվեց «Հանրային ձայն»-ի փոխնախագահի կինը. դա՞ էր գինը». հարց՝ Ավինյանին

«Մենք առհասարակ նմանատիպ առևտրի մեջ չենք մտել ու չենք պատրաստվում մտնել: Էն հարցերը, որոնք վերաբերում են քրեական դատավարություններին, քրեական հետապնդման մեջ գտնվող անձանց, չենք կարող առևտրի առարկա դարձնել: Էդ դաշտ չենք էլ մտնում: Էն, ինչ տեղի է ունենում դատական համակարգում, տեղի է ունենում՝ անկախ քաղաքական պրոցեսներից»,- Երևանի քաղաքապետարանում տեղի ունեցած ճեպազրույցի ժամանակ ասաց քաղաքապետ Տիգրան Ավինյանը՝ անդրադառնալով լրագրողների դիտարկմանը, ըստ որի՝ երկար ժամանակ խոսվում է այն մասին, թե՞ ինչ է խոստացել ՔՊ-ն «Հանրային ձայն»-ին, որը քվորում ապահովեց ավագանու նիստի ժամանակ, իսկ երեկ հայտնի դարձավ, որ Արտակ Գալստյանի կինն ազատ է արձակվել: