Երկուշաբթի, 23 փետրվարի, 2026 թ.
|
Ստեփանակերտում`   +9 °C

«Իմ և որոշ այլ հայերի արգելքի պահանջը ռուս խաղաղապահներին փոխանցվել էր Ադրբեջանից»․ Ն․ Հոխիկյան

«Իմ և որոշ այլ հայերի արգելքի պահանջը ռուս խաղաղապահներին փոխանցվել էր Ադրբեջանից»․ Ն․ Հոխիկյան
246
Կիրակի, 22 հոկտեմբերի, 2023 թ., 15:42

Լրագրող Նաիրի Հոխիկյանի ֆեյսբուքյան գրառումը․ «Արցախի հայկական լինելու տարիներին ինձ շատ են խանգարել նույնիսկ Արցախի տարբեր ժամանակների իշխանությունները, հատկապես 2020-ից հետո։ Եղել են ժամանակներ, երբ Արցախի ԱԱԾ մի շարք աշխատողներ հանդիպել են իմ Արցախցի ընկերների կամ ծանոթների հետ, առաջարկել, երբեմն պահանջել հեռու մնալ ինձնից, քանի որ Նիկոլ Փաշինյանի դեմ եմ, անցանկալի է ինձ հետ մտերմությունը։
Եղել են դեպքեր, երբ Արցախի ԿԳ նախարարության հետ պայմանավորվել եմ հանդիպումներ անել Արցախի դպրոցներում, խոսել ազգային դիմադրության կարևորության մասին, բայց շրջանային որոշ չինովնիկներ միտումնավոր խանգարել են՝ կրկին վախենալով, որ ես Նիկոլ Փաշինյանի դեմ եմ։
Առաջին անգամ եմ բարձրաձայնում, բայց 2022-ի հունվարին Աղավնոյի մոտ ինձ ու ընկերոջս նույնիսկ արգելեցին մտնել Արցախ։ Պարզվեց, որ իմ և որոշ այլ հայերի արգելքի պահանջը ռուս խաղաղապահներին փոխանցվել էր Ադրբեջանից, հաստատվել Հայաստանի կառավարության կողմից, Արցախի իշխանությունները դեմ չէին արտահայտվել։ Պատճառը՝ Նաիրի Հոխիկյանը հակաադրբեջանական քարոզչություն է տանում և Արցախի բնակչությանը տրամադրում է Ադրբեջանի դեմ։ Կարծես Արցախցիները չգիտեին, թե ինչ է Ադրբեջանը, ես պիտի ասեի։ Եվ միայն որոշ ազգանվեր պաշտոնյաների համառ պայքարի շնորհիվ ռուս խաղաղապահները ինձ և իմ ընկեր Տիգրան Նալչաջյանին թույլ տվեցին մտնել Արցախ։
Սրանք մի քանի դեպքեր են Արցախի մի շարք չինովնիկների կողմից իմ նկատմամբ ցուցաբերված վատ վերաբերմունքի և խանգարելու մասին։ Բոլորի պատճառը մեկն է եղել՝ Նաիրի Հոխիկյանը դեմ է Նիկոլ Փաշինյանին։ Այն Նիկոլին, որը ամբողջությամբ Արցախը նվիրեց թշնամուն։
Այսօր նույն այդ չինովնիկներից ոմանք դիմում են ինձ օգնության համար։ Իրենք հավանաբար մոռացել են, թե չինովնիկ կամ ԱԱԾ աշխատող եղած ժամանակ ինչքան են ինձ վատություն արել։ Ես չեմ մոռացել, բայց նրանց էլ եմ օգնում, չեմ մերժում։ Աստված կների...»։

Աղբյուրը`   Նաիրի Հոխիկյան