«Ունենք տեղեկություններ, որ Արցախից զենք-զինամթերք է մուտք գործել ՀՀ». ՆԳ նախարար

«Ունենք նման տեղեկություններ, որ Արցախից զենք-զինամթերք է մուտք գործել ՀՀ, ունենք նաև դեպքեր, որ կամավոր բերել, հանձնել են»,- ԱԺ-Կառավարություն հարցուպատասխանի ժամին, արձագանքելով ՔՊ-ական պատգամավոր Գևորգ Պապոյանի հարցին, ասաց ՀՀ ՆԳ նախարար Վահե Ղազարյանը: «Ոստիկանապետի կողմից տրվել են ցուցումներ՝ բացատրական աշխատանք կատարելու, մարդկանց կոչ անելու, որպեսզի բերեն, հանձնեն անօրինական զենքերը»,- հավելեց նա:

Նշենք, որ Ղազարյանը ելույթի սկզբում ասաց՝ Արցախ, ապա շտապեց ուղղել խոսքը՝ ասելով՝ Լեռնային Ղարաբաղ:

Ավելի վաղ վարչապետի խոսնակ Նազելի Բաղդասարյանն էր Արցախ ասելու համար ներողություն խնդրել: