«Հայ-թուրքական սահմանը կբացվի 3-րդ երկրների քաղաքացիների համար». Փաշինյան

«Անդրադառնալով ՀՀ-Թուրքիա հարաբերություններին՝ ուզում են նաև հույս հայտնել, որ առաջիկայում մենք կունենանք հատուկ ներկայացուցիչների քննարկումների բանակցությունների արդյունքում ձեռք բերված պայմանավորվածությունների իրագործում, որը վերաբերում է հետևյալին. ՀՀ-Թուրքիա սահմանն այս փուլում բացվում է երրորդ երկրների քաղաքացիների և դիվանագիտական անձնագիր կրողների համար: Նաև պետք է ասեմ, որ սա իհարկե, բացի քաղաքական պայմանավորվածությունից, նաև ենթակառուցվածքային էական աշխատանք է արվել, մասնավորապես՝ մենք վերազինման, վերականգնման ուղղությամբ աշխատել ենք Մարգարայի անցակետում և մենք, այս առումով, ըստ էության, արդեն պատրաստ ենք նման զարգացումների: Հույս ունենք՝ այդ պայմանավորվածությունները կյանքի կկոչվեն»,- այսօր 2024-ի բյուջեի քննարկման ժամանակ հայտարարեց վարչապետ Փաշինյանը: