«Շահրամանյանի ստորագրած փաստաթուղթն իրավական ուժ չունի». Արա Զոհրաբյան

Արցախի նախագահի, պատգամավորների մասնակցությասմբ փակ քննարկմանը ներկա էր նաև փաստաբան Արա Զոհրաբյանը: Լրագրողների հետ զրույցում նա նշել է, որ Սամվել Շահրամանյանի՝ Արցախի Հանրապետությունը լուծարելու մասին հրամանագիրն իրավական ուժ չունի. «Չի կարող միջնորդավորված ընտրված նախագահը լուծարել հանրաքվեով անկախացած պետության գոյությունը. չի կարող պետությունը լուծարել»,- նշել է Զոհրաբյանը:

Հարցին՝ հնարավո՞ր է Սամվել Շահրամանյանը հրաժարվի իր ստորագրած հրամանից, պատասխանել է. «Իհարկե, ամեն ինչ էլ կա։ Օրինակ, Գերագույն դատարանը կարող է ճանաչել անվավեր։ Ընդհանրապես, իրավական ակտ ընդունած անձը կարող է մեկ այլ իրավական ակտով նույնիսկ անվավեր համարել իր նախորդ ընդունած իրավական ակտը»: